കോതമംഗലം : വന്യ മൃഗ ശല്യം രൂക്ഷമായ കുട്ടമ്പുഴ പഞ്ചായത്തിലെ ഉരുളൻതണ്ണി ഭാഗത്തുള്ള വെളിയത്ത് പറമ്പ്, കൊച്ചു ക്ണാച്ചേരി, ആനന്ദൻ കുടി എന്നീ ഭാഗങ്ങളിലായി 8 കിലോമീറ്റർ ദൂരത്തിൽ നിർമ്മിക്കുന്ന ആനകിടങ്ങിന്റെ നിർമ്മാണ പ്രവർത്തനങ്ങൾ ആരംഭിച്ചു.

പ്രതലത്തിൽ 2.5 മീറ്റർ വീതിയിൽ 2.5 മീറ്റർ ആഴത്തിലും താഴെ 1 മീറ്റർ വീതിയിൽ ചുരുക്കി വി ആകൃതിയിലാണ് കിടങ്ങ് നിർമ്മിക്കുന്നത്.1 കോടി 40 ലക്ഷം രൂപയാണ് കിടങ്ങിന്റെ ആകെ നിർമ്മാണ ചിലവ്.

നിർമ്മാണ പ്രവർത്തനങ്ങൾ ആന്റണി ജോൺ എംഎൽഎയുടെ നേതൃത്വത്തിൽ ജന പ്രതിനിധികളും,ഊരു നിവാസികളും,വനം വകുപ്പ് ഉദ്യോഗസ്ഥരും അടങ്ങുന്ന സംഘം വിലയിരുത്തി.എംഎൽഎയോടൊപ്പം പ്രദേശവാസികളും ബ്ലോക്ക്‌ പഞ്ചായത്ത്‌ മെമ്പർ. കെ കെ ഗോപി,പഞ്ചായത്ത്‌ മെമ്പർ ബിനേഷ് നാരായണൻ,ഡെപ്യൂട്ടി റേഞ്ച് ഫോറസ്റ്റ് ഓഫീസർ ജി ജി സന്തോഷ്, സെക്ഷൻ ഫോറസ്റ്റ് ഓഫീസർ കെ എ അശോകൻ,ബീറ്റ് ഫോറസ്റ്റ്ഓഫീസർമാരായ എം ദിലീപ് കുമാർ, കെ എം അലി കുഞ്ഞ്, കെ നിതീഷ്, ഇന്ദിരാകുട്ടി രാജു, ശിവപ്രസാദ് എസ്, ബിജു പനംകുഴിയിൽ, പ്രദേശവാസികളായ ഓമന കുഞ്ഞുമോൻ,അനിത ബാലകൃഷ്ണൻ,
സരസമ്മ പരമു, രേഖ ബിജു,ഊരു മൂപ്പൻ ആനിയപ്പൻ കാണി,ഇഞ്ചത്തൊട്ടി ഫോറെസ്റ്റ് സ്റ്റേഷൻ ജീവനക്കാർ,കെ പി എച്ച് സി സി ഉദ്യോഗസ്ഥർ, എന്നിവരും ഉദ്യമത്തിൽ പങ്കാളികളായി.

കിടങ്ങിന്റെ നിർമ്മാണ പ്രവർത്തനങ്ങൾ സമയബന്ധിതമായി പൂർത്തീകരിക്കുമെന്ന് എം എൽ എ പറഞ്ഞു.

കോതമംഗലം;വ്യവസായ വാണിജ്യ വകുപ്പിന്റെയും കോതമംഗലം മുനിസിപ്പാലിറ്റിയുടെയും ആഭിമുഖ്യത്തിൽ സംരഭക സഭ ജനുവരി 13ന് നടത്തും. രാവിലെ 10.30ന് കോതമംഗലം നഗരസഭയിൽ വച്ചാണ് സംരഭക സഭ സംഘടിപ്പിക്കുന്നത്.

സംരംഭകത്വത്തിന്റെ പ്രാധാന്യം, സ്വയം തൊഴിൽ സംരഭക വായ്പ ലഭിക്കാനുള്ള നടപടിക്രമങ്ങൾ, വ്യവസായ വകുപ്പിന്റെ വിവിധ പദ്ധതികൾ ആനുകൂല്യങ്ങൾ,സംരംഭക സഹായ പദ്ധതി, പ്രധാനമന്ത്രിയുടെ തൊഴിൽ ദായക പദ്ധതി,നാനോ യൂണിറ്റുകൾക്കുള്ള മാർജിൻ മണി ഗ്രാന്റ് പദ്ധതി,2022 ഏപ്രിൽ 1 മുതലുള്ള സംരഭങ്ങൾക്ക് മുദ്ര ലോണിന് പലിശക്ക് സബ്സിഡി,എംഎസ്എംഇ ഇൻഷുറൻസ് പദ്ധതി,പിഎം.എഫ്എം ഇ പദ്ധതി,പ്രധാന മന്ത്രിയുടെ ഭക്ഷ്യ സംസ്കരണ സംരംഭങ്ങളുടെ രൂപവൽക്കരണ പദ്ധതി,സംരംഭം തുടങ്ങുന്നതിന് ആവശ്യമായ ലൈസൻസ് എടുക്കുന്നതിന്റെ നടപടിക്രമങ്ങൾ,ജിഎസ്ടി, ഭക്ഷ്യ സുരക്ഷ മുതലായ വിഷയങ്ങളിൽ സമഗ്രമായ ക്ലാസ് ഉണ്ടായിരിക്കുന്നതാണ്.

വ്യവസായ സംരംഭകർക്കുള്ള എംസ്എംഇ രജിസ്ട്രേഷൻ,ഉദയം രജിസ്ട്രേഷൻ,കെഎസ്വിഫ്റ്റ് അംഗീകാരം എന്നി സേവനങ്ങളും ഉണ്ടായിരിക്കുന്നതാണെന്ന് സംഘടകർ അറിയിച്ചു.പങ്കടുക്കുന്ന ഉദ്യോഗാർത്ഥികൾ ആധാർ കാർഡ് , പാൻ കാർഡ്, ബാങ്ക് പാസ്ബുക്ക്, ഫോട്ടോ മുതലായ ആവശ്യമായ രേഖകൾ ഹാജരാക്കണം.

എംഎസ്എംഇ ഇൻഷുറൻസ് പദ്ധതിയുമായി ബന്ധപെട്ട് അപേക്ഷ സമർപ്പിക്കാനുള്ള അവസരവും ഒരുക്കിയിട്ടുണ്ട്.
അപേക്ഷകർ ഉദ്ധ്യം രജിസ്ട്രേഷൻ, പാൻ കാർഡ്, ആധാർ കാർഡ്,സ്ഥാപനത്തിന്റെ ഇൻഷുറൻസ് പോളിസി ഡോക്യുമെന്റ് എന്നിവയുമായി ഹാജരാകാനാണ് നിർദ്ദേശം.

ലോൺ ബന്ധിതമായി ഓട്ടോറിക്ഷ എടുത്തിരിക്കുന്നവർക്കും, പലിശ സബ്സിഡി ആവശ്യമുള്ളവർക്കും അപേക്ഷ സമർപ്പിക്കാവുന്നതാണ്.മുനിസിപ്പാലിറ്റിയിൽ പുതുതായി സ്വയം തൊഴിൽ സംരഭങ്ങൾ ആരംഭിക്കുന്നതിന് ആഗ്രഹം ഉള്ളവർക്കും നിലവിലുള്ള സംരംഭകർക്കും അവസരം വിനിയോഗിക്കാമെന്ന് സംഘടകർ അറിയിച്ചു.

രജിസ്ട്രേഷന് ബന്ധപ്പെടേണ്ട നമ്പർ, നീനു പോൾ; 8156955920 , ജിത്തു മോഹൻ; 8943143490

കവളങ്ങാട് : സിപിഐഎം 24-ാം പാർട്ടി കോൺഗ്രസിന്റെ മുന്നോടിയായുള്ള എറണാകുളം ജില്ലാ സമ്മേളനത്തിന്റെ ഭാഗമായി അഖില കേരള വടംവലി മത്സരം നേര്യമംഗലത്ത് നടന്നു.സമ്മേളനം ആൻ്റണി ജോൺ എം എൽ എ ഉദ്ഘാടനം ചെയ്തു. ജില്ലയിലെമ്പാടും നടക്കുന്ന അനുബന്ധ പരിപാടികളുടെ ഭാഗമായിട്ടാണ് വടംവലി മത്സരം സംഘടിപ്പിച്ചത്.

കേരളത്തിൻ്റെ വിവിധ ഭാഗങ്ങളിൽ നിന്ന് 25 ൽപരം ടീമുകൾ പങ്കടുത്ത മത്സരത്തിൽ അറുപതിനായിരം രൂപയുടെ സമ്മാനങ്ങളാണ് വിതരണം ചെയ്തത്. ഇതോടൊപ്പം വനിതകളുടെ സൗഹൃദ വടംവലി മത്സരവും നടന്നു.
ശില മഞ്ഞുമ്മൽ അവതരിപ്പിക്കുന്ന നാടൻ പാട്ടും ദൃശ്യാവിഷ്കാരവും അരങ്ങേറി.

വിവിധ മേഖലകളിൽ പ്രാഗത്ഭ്യം തെളിയിച്ച വ്യക്തികളെ ചടങ്ങിൽ ആദരിച്ചു. ഒന്നാം സ്ഥാനം അനന്തകൃഷ്ണൻ മൊമ്മോറിയൽ ട്രോഫിയും 12,000 രൂപയും ട്രയൽ ബോയ്സ് പെരുമ്പാവൂരും രണ്ടാം സ്ഥാനം ആൽബിൻ മെമ്മോറിയൽ ട്രോഫിയും 10,000 രൂപയും കിംഗ്സ് പറവൂരും മൂന്നാം സ്ഥാനം ബ്ലാക്ക് ക്യാറ്റ് പെരുമ്പാവൂരും കരസ്ഥമാക്കി.

ഏരിയ സെക്രട്ടറി ഷാജി മുഹമ്മദ്, ജില്ലാ കമ്മിറ്റി അംഗം എ എ അൻഷാദ് , ഏരിയ കമ്മിറ്റി അംഗങ്ങളായ മനോജ് നാരായണൻ, കെ ഇ ജോയി, അഭിലാഷ് രാജ്, ഷിജോ എബ്രഹാം, അഷ്കർ കരീം, കെ പി ജെയിംസ്, എ കെ സിജു, എ വി സുരേഷ്, ഷിബു പടപറമ്പത്ത് എന്നിവർ സമ്മാനങ്ങൾ വിതരണം ചെയ്തു.