Local
ആനക്കാട്ടിൽ നിന്നും വീട്ടിലെത്തിച്ചപ്പോൾ ആക്രമണവും ആക്രോശവും;വലഞ്ഞ് പോലീസും വനംവകുപ്പ് ഉദ്യോഗസ്ഥരും,സംഭവം കുട്ടമ്പുഴയിൽ
കോതമംഗലം;മദ്യപിച്ച് ലക്കുകെട്ട് ആനക്കാട്ടിൽ കിടന്നപ്പോൾ പോലീസും വനംവകുപ്പ് അധികൃതരും ചേർന്ന് വീട്ടിലെത്തിച്ചു.പിന്നാലെ ഉദ്യോഗസ്ഥ സംഘത്തിനുനേരെ ഇരുമ്പുകമ്പിയുമായി വെല്ലുവിളി.
മൽപ്പിടുത്തത്തിനൊടുവിൽ കമ്പി ഉദ്യോഗസ്ഥ സംഘം പിടിച്ചുവാങ്ങി.വീണ്ടും വീടിനുള്ളിൽ കടന്ന് മണ്ണെണ്ണ കന്നാസുമായി എത്തി ആക്രോശവും ആക്രമണവും.
രാത്രിയിൽ വനമേഖലയിൽ കാട്ടാനകൂട്ടം എത്താൻ സാധ്യതയുള്ള പ്രദേശത്ത് മദ്യലഹരിയിൽ കിടന്നുറങ്ങിയിരുന്ന മധ്യവയസ്‌കനെ സുരക്ഷ കണക്കിലെടുത്ത് വീട്ടിലെത്തിച്ച ഉദ്യോഗസ്ഥ സംഘമാണ് പുലുവാലുപിടിച്ചത്.
അടിവസ്ത്രം മാത്രം ധരിച്ച നിലയിലാണ് പെട്രോളിംഗിനിറങ്ങിയ വനംവകുപ്പ് ജീവനക്കാർ പിണവൂർകുടി മട്ടിത്തോട്ടത്തിൽ നിന്നും ഇയാളെ കണ്ടെത്തിയത്.ഉദ്യോഗസ്ഥ സംഘം ടോർച്ച് തെളിച്ച് ,വഴികാട്ടി വീട്ടിലെത്തിച്ചതിന് പിന്നാലെയാണ് ഇയാൾ അക്രമാസക്തനായത്.
വീടിനുള്ളിലേയ്ക്ക് കടന്ന്,നീളമുള്ള കമ്പിയുമായി വീടിന് പുറത്തേയ്ക്ക് വന്നശേഷം ഇയാൾ ഉദ്യോഗസ്ഥരെ വെല്ലുവിളിയ്ക്കുകയും അക്രമിയ്ക്കാൻ മുതിരുകയുമായിരുന്നു.
ഈ സമയം ഉദ്യോഗസ്ഥകരിൽ ഒരാൾ കമ്പി ബലമായി പിടിച്ചുവാങ്ങുകയായിരുന്നു.കമ്പി പിടിച്ചുവാങ്ങിയപ്പോൾ വീടിനുള്ളിലേയ്ക്ക് പോയ ഇയാൾ മണ്ണെണ്ണ നിറച്ച കന്നാസുമായി പുറത്തെത്തി.പിന്നെ ഒരു കൈയ്യിൽ കന്നാസുമായിട്ടായിരുന്നു ഇയാളുടെ വിളാട്ടം.കൂടി നിന്നവരെ ഇയാൾ അസഭ്യം കൊണ്ടുമൂടി.
പിന്നെയും ഏറെ നേരം വാദപ്രതിവാദവുമായി ഇയാൾ വീട്ടുമുറ്റത്ത് നിലയുറപ്പിച്ചു.ഈ സമയമത്രയും ഇയാൾ വസ്ത്രം ധരിയ്ക്കാൻ തയ്യാറായില്ല.രംഗം ശാന്തമാക്കിയ ശേഷമാണ് ഉദ്യോഗസ്ഥ സംഘം വീട്ടിൽ നിന്നും മടങ്ങിയത്.
കാട്ടാന ആക്രമണത്തിൽ കുട്ടമ്പുഴ ഉരുളൻതണ്ണി ക്ണാച്ചേരിയിൽ യുവാവ് കൊല്ലപ്പെട്ടതിനെത്തുടർന്ന് വനംവകുപ്പ് ജീവനക്കാർ പെട്രോളിംഗ് ശക്തിപ്പെടുത്തിയിരുന്നു.
കാട്ടിൽ അബോധാവസ്ഥയിൽ കിടന്നിരുന്ന ഇയാളെ വനംവകുപ്പ് ജീവനക്കാർ വിളിച്ചുണർത്തിയെങ്കിലും വീട്ടിൽപോകാൻ തയ്യാറായില്ല.തുടർന്ന് വനംവകുപ്പ് ജീവനക്കാർ കുട്ടംമ്പുഴ പോലീസിൽ വിവരം അറയിക്കുകയായിരുന്നു.
ദുരന്തങ്ങൾ ആവർത്തിയ്ക്കുമ്പോൾ സുരക്ഷ കണക്കിലെടുത്ത് ഇത്തരം സേവന പ്രവർത്തനങ്ങളിൽ പങ്കാളികളാവുന്ന ഉദ്യോഗസ്ഥർ നേരിടുന്ന വെല്ലുവിളികൾ ചെറുതല്ല.ദുരന്തങ്ങളുടെ പേരിൽ ഉദ്യോഗസ്ഥർ പഴികേൾക്കുന്നത് പുതിയ കാര്യമല്ല.ഇത് ഇനിയും ആവർത്തിയ്ക്കപ്പെടുകയും ചെയ്യും.
ഈ സാഹചര്യത്തിൽ വന്നുചേരുന്ന ഇത്തരം പ്രതിസന്ധികളെ എങ്ങനെ തരണം ചെയ്യണമമെന്നറിയാത്ത അവസ്ഥയിലാണ് ഉദ്യോഗസസ്ഥ സംഘം.
കയ്ച്ചിട്ട് ഇറക്കാനും വയ്യാ,മധുരിച്ചിട്ട് തുപ്പാനും വയ്യാ എന്ന അവസ്ഥയിലാണ് ഉദ്യോഗസ്ഥരുടെ ഇപ്പോഴത്തെ അവസ്ഥ എന്നാണ് ചൂണ്ടികാണിയ്ക്കപ്പെടുന്നത്.
മുവാറ്റുപുഴ : പായിപ്ര ഗ്രാമ പഞ്ചായത്ത്‌ വൈസ് പ്രസിഡന്റ്‌ സ്ഥാനം ഷോബി അനിൽ രാജിവെച്ചു.ഒരു വർഷം കൂടി കാലാവധി ബാക്കിയുള്ളപ്പോഴായിരുന്നു രാജി.
ഇന്നലെ രാവിലെ പഞ്ചായത്ത്‌ സെക്രട്ടറിക്കാണ് പതിനാറാം വാർഡിൽ നിന്നുള്ള അംഗമായ ഷോബി അനിൽ രാജി നൽകിയത്. കഴിഞ്ഞ പഞ്ചായത്ത്‌ തെരഞ്ഞെടുപ്പിന് ശേഷം ആദ്യത്തെ 2 വർഷം നിസ മൈ‌തീനും തുടർന്നുള്ള 3 വർഷം ഷോബി അനിലും എന്നായിരുന്നു പാർട്ടിയിൽ ഉണ്ടാക്കിയ ധാരണ.
എന്നാൽ രണ്ട് വർഷം കഴിഞ്ഞ് നിസ മൊയ്‌തീൻ രാജി വെച്ചപ്പോൾ മാത്യു കുഴൽനാടൻ എംഎൽഎ, ബ്ലോക്ക് പ്രസിഡന്റ്‌ സാബു ജോൺ, മണ്ഡലം പ്രസിഡന്റ്‌ ഷാൻ പ്ലാക്കുടി എന്നിവരുടെ നിർദ്ദേശ പ്രകാരം പന്ത്രണ്ടാം വാർഡ് അംഗം നെജി ഷാനവാസിന് അവസാനത്തെ ഒരു വർഷം വൈസ് പ്രസിഡന്റ്‌ സ്ഥാനം നൽകാമെന്ന് ധാരണയായി.
ഇതേ തുടർന്നാണ് ഒരു വർഷം ശേഷിക്കേ ഷോബി അനിൽ രാജി വെച്ചത്. യുഡിഎഫിൽ കോൺഗ്രസ്‌ 8, മുസ്ലിം ലീഗ് 3 എന്നിങ്ങനെയാണ് കക്ഷി നിലയെങ്കിൽ സിപിഎം 8, സിപിഐ 1, കോൺഗ്രസ്‌ വിമതൻ 1 എന്നിങ്ങനെയാണ് എൽഡിഎഫ് കക്ഷി നില.
മുവാറ്റുപുഴ :മുസ്ലിം ലീഗ് കാലാമ്പൂർ ശാഖാ കമ്മിറ്റി സംഘടിപ്പിച്ച പ്രവർത്തക സംഗമം നടന്നു. മുസ്ലിം ലീഗ് സംസ്ഥാന സെക്രട്ടേറിയറ്റ് മെമ്പർ ടി എ അഹമ്മദ് കബീർ ഉദ്ഘാടനം ചെയ്തു.
ശാഖാ പ്രസിഡന്റ്‌ കെ ഇ സുലൈമാൻ അദ്ധ്യക്ഷത വഹിച്ചു.
മുസ്ലിം ലീഗ് ജില്ലാ വൈസ് പ്രസിഡന്റ്‌ അഡ്വ: കെ എം ഹസൈനാർ മുഖ്യ പ്രഭാഷണവും,പഞ്ചായത്ത്‌ ലീഗ് പ്രസിഡന്റ്‌ മുഹമ്മദ് ഇലഞ്ഞായി ആമുഖ പ്രഭാഷണവും നടത്തി.
മസ്കറ്റ് കെ എം സി സി സെക്രട്ടറി കെ എസ് ഷാനവാസ്, വാർഡ് മെമ്പർ ഉഷാ രാമകൃഷ്ണൻ,പി കെ മൊയ്‌ദു,വനിതാ ലീഗ് പ്രസിഡന്റ്‌ സുലൈഖ യൂസുഫ്, യൂത്ത് ലീഗ് പ്രസിഡന്റ്‌ ജിതിൽ ജാസ്, എം എസ് എഫ് പ്രസിഡന്റ്‌ ഷാഹുൽ, ഹരിത പ്രതിനിധി നസീഹ അബ്ദുൾ കാദർ,അലി ഈറക്കൽ,ഉനൈസ് കൊടക്കനാൽ, നസീർ ചിറപ്പുറം തുടങ്ങിയവർ പ്രസംഗിച്ചു.
മുൻകാലങ്ങളിൽ പാർട്ടിയോടൊപ്പം ചേർന്ന് ശാഖയിൽ പ്രവർത്തനം നടത്തിയ നൽപ്പതോളം സീനിയർ പ്രവർത്തകരെ ടി എ അഹമ്മദ് കബീർ ആദരിച്ചു. ചടങ്ങിൽ ഐഡന്റിറ്റി കാർഡുകളുടെ വിതരണവും നടന്നു.
രോഗാവസ്ഥയിലായ മുസ്ലിം ലീഗ് പ്രവർത്തകന് വേണ്ടിയുള്ള ഫണ്ട്‌ ശേഖരണത്തിന്റെ ഉദ്ഘാടനം സി എച്ച് ചാരിറ്റിയിൽ നിന്നും സംഭാവന സ്വീകരിച്ച് കൊണ്ട് ചടങ്ങിൽ നിർവഹിച്ചു.ജനറൽ സെക്രട്ടറി അഷ്‌റഫ്‌ ഇടുമാങ്കുഴി സ്വാഗതവും ട്രഷറർ പി എം സെയ്ദ് നന്ദിയും പറഞ്ഞു.
കോതമംഗലം: :മലയാളത്തിന്റെ സാഹിത്യ കുലപതി എം ടി വാസുദേവൻ നായർ,മുൻപ്രധാനമന്ത്രി ഡോ.മൻമോഹൻ സിംഗ് എന്നിവരുടെ നിര്യാണത്തിൽ കേരളാ ജേർണലിസ്റ്റ്സ് യൂണിയൻ കോതമംഗലം താലൂക്ക് കമ്മിറ്റി അനുശോചനം രേഖപ്പെടുത്തി.
അനുശോചന യോഗം കേരള ജേർണലിസ്റ്റ് യൂണിയൻ സംസ്ഥാന സെക്രട്ടറി ജോഷി അറയ്ക്കൽ ഉദ്ഘാടനം ചെയ്തു. താലൂക്ക് പ്രസിഡൻ്റ് പിഎ സോമൻ അധ്യക്ഷനായി.
ദീപു ശാന്താറാം ,പി സി പ്രകാശ് ,സീതി മുഹമ്മദ് തുടങ്ങിയവർ സംസാരിച്ചു.
-
Uncategorized3 months agoകോതമംഗലത്ത് റിട്ടേർഡ് തഹസിൽദാരെ കിണറ്റിൽ മരിച്ച നിലയിൽ കണ്ടെത്തി
-
Local4 months agoപ്രതി ഒളിവിൽ;കോതമംഗലം പോലീസ് രേഖാചിത്രം പുറത്തുവിട്ടു , വിവരം ലഭിച്ചാൽ അറിയക്കണമെന്നും പോലീസ്
-
latest news2 months agoകൊച്ചി ധനുഷ്കോടി ദേശീയപാതയിൽ കെഎസ്ആർടിസി ബസ് മറിഞ്ഞ് അപകടം
-
Local4 months agoകോട്ടപ്പടി വടക്കുംഭാഗത്ത് ടാപ്പിംഗ് തൊഴിലാളിയെ കാട്ടാനാ ആക്രമിച്ചത് പിന്നില് നിന്ന്,സംഭവം ഇന്ന് രാവിലെ,പരിക്ക് ഗുരുതരമെന്നും സൂചന
-
Local4 months agoമാമലക്കണ്ടം ഇംളംബ്ലാശേരിയിൽ ആത്മഹത്യഭീഷിണി മുഴക്കി കെട്ടിടത്തിനുള്ളിൽ യുവാവ്;പ്രദേശം വളഞ്ഞ് പോലീസും വനംവകുപ്പ് ജീവനക്കാരും
-
Uncategorized3 months agoകോതമംഗലം മാർത്തോമ ചെറിയ പള്ളിയിൽ കലവറ നിറയ്ക്കൽ ശ്രദ്ധേയമായി
-
Local4 months agoകോട്ടപ്പടി വടക്കുംഭാഗത്ത് ആന ആക്രമണം;ടാപ്പിംഗ് തൊഴിലാളിക്ക് പരിക്ക്
-
Local4 months agoപൂജകളും വഴിപാടികളും നടത്തി,കാപ്പുകെട്ടി,ഇന്ന് മരം മുറിയ്ക്കൽ; പുതിയ കൊടിമരത്തിനുള്ള തേക്ക് ഇന്ന് തൃക്കാരിയൂർ ക്ഷേത്രത്തിൽ എത്തിയ്ക്കും