കോതമംഗലം; കൃഷിഭവൻ കൃഷിക്കാർക്കായി കൃഷസമൃദ്ധി പദ്ധതിയിലുൾപ്പെടുത്തി ജൈവ വളം – ജൈവ കീടനാശിനി കിറ്റുകളും തൈകളും വിതരണം ചെയ്തു.

ട്രൈക്കോ ഡാർമ – സൂഡോമോണസ് – സമ്പൂർണ്ണ ഫിഷ് സുമിനോ ആസിഡ് – ബ്യൂവേറിയ കുമ്മായം ജൈവ വളം ഉൾപ്പെട്ട കിറ്റാണ് വിതരണം ചെയ്തത്.നഗരസഭാ ചെയർമാൻ കെ.കെ. ടോമി ഉൽഘാടനം ചെയ്തു.

വികസനകാര്യ സ്റ്റാൻഡിങ് കമ്മിറ്റി ചെയർമാൻ കെ.എ. നൗഷാദ് അദ്ധ്യക്ഷത വഹിച്ചു.മുൻസിപ്പൽ കൗൺസിലർ പി.ആർ ഉണ്ണികൃഷ്ണൻ,സതി. പി.ഐ സ്വാഗതവും കൃഷി ‘ അസി:എൽദോസ് എബ്രഹാം, രമ്യസുധീന്ദ്രൻ നന്ദിയും രേഖപ്പെടുത്തി. 145 കർഷകർക്കാണ് കിറ്റുകൾ വിതരണം ചെയ്തത്.

കോതമംഗലം; ഓൾ കേരള പൈനാപ്പിൾ മർച്ചന്റ്സ് അസോസിയേഷൻ സെക്രട്ടറി ജോസ് വർഗീസ് ചക്കാലക്കുന്നേലിന്റെ മാതാവ് മേരി വർഗീസ് (84) അന്തരിച്ചു.

സംസ്കാരം നീറമ്പുഴകവലയിലുള്ള വീട്ടിലെ ശുശ്രുഷക്ക് ശേഷം ഇന്ന് മൂന്നുമണിക്ക് കല്ലൂർക്കാട് സെന്റ് അഗസ്റ്റിൻസ് പള്ളിയിൽ നടക്കും.

മൂവാറ്റുപുഴ: കച്ചേരിത്താഴം ബസ് കാത്തിരിപ്പ് കേന്ദ്രത്തിന് സമീപം ഗുരുവായൂര്‍ തീര്‍ത്ഥാടകര്‍ സഞ്ചരിച്ച ടൂറിസ്റ്റ് ബസ് നിയന്ത്രണം നഷ്ടപ്പെട്ട് ഡിവൈഡറില്‍ ഉള്ള മരത്തില്‍ ഇടിച്ച് അപകടം.

തിങ്കളാഴ്ച പുലര്‍ച്ചെ 3.30ഓടെ നെയ്യാറ്റിന്‍കരയില്‍ നിന്നും ഗുരുവായൂരിലേക്ക് പോവുകയായിരന്ന തീര്‍ത്ഥാടകര്‍ സഞ്ചരിച്ച ബസാണ് അപകടത്തില്‍പെട്ടത്. നിയന്ത്രണം നഷ്ടപ്പെട്ട ബസ് കച്ചേരിത്താഴത്തെ റോഡരികിലെ ഡിവൈഡറിലും, തുടര്‍ന്ന് ഡിവൈറിലുള്ള തണല്‍ മരത്തിലും ഇടിക്കുകയായിരുന്നു.

45ഓളം തീര്‍ത്ഥാടകരാണ് വാഹനത്തിലുണ്ടായിരുന്നത്. അപകടത്തില്‍ ആര്‍ക്കും പരിക്കുകളില്ല.ബസിന്റെ മുന്‍ഭാഗം അപകടത്തില്‍ ഭാഗികമായി തകര്‍ന്നു. മൂവാറ്റുപുഴ പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.