Local
മാർ അത്തനേഷ്യസ് കോളേജിന് രാജ്യാന്തര ഹരിതപുരസ്കാരം

കോതമംഗലം: 2024 ലെ ഇൻ്റർനാഷണൽ ഗ്രീൻ കോളേജ് അവാർഡിന് കോതമംഗലം മാർ അത്തനേഷ്യസ് കോളേജ്(ഓട്ടോണമസ്) തിരഞ്ഞെടുക്കപ്പെട്ടു.
2021 മുതൽ യുണൈറ്റഡ് നേഷൻസ് ഇക്കണോമിക് ആൻഡ് സോഷ്യൽ കൗൺസിലുമായി പ്രത്യേക കൺസൾട്ടേറ്റീവ് സ്റ്റാറ്റസ് ഉള്ള എൻജിഒ- ഗ്രീൻ മെൻ്റേഴ്സ് ഏർപ്പെടുത്തിയതാണ് പുരസ്കാരം.


ഈ അവാർഡ് ലഭിക്കുന്ന കേരളത്തിലെ ആദ്യത്തെ കലാലയമാണ് കോതമംഗലം മാർ അത്തനേഷ്യസ് കോളേജ്. മുൻ വർഷങ്ങളിൽ ഈ പുരസ്കാരം നേടിയ സ്ഥാപനങ്ങളിൽ ഐഐടി ഗാന്ധിനഗർ, ഐഐടി മാണ്ഡി, ഐഐഐടി ബാംഗ്ലൂർ തുടങ്ങിയവ ഉൾപ്പെടും.



ഹരിതബോധനത്തിനും സുസ്ഥിരതാ സമ്പ്രദായങ്ങൾക്കും നൽകുന്ന സംഭാവനകളും പരിസ്ഥിതിസംരക്ഷണ ശ്രമങ്ങളിലെ നേതൃത്വവും പരിഗണിച്ചാണ് പുരസ്കാരം. യുനെസ്കോയുടെ ഗ്രീനിംഗ് എഡ്യുക്കേഷൻ പങ്കാളിത്ത പരിപാടിയുടെ ലക്ഷ്യങ്ങളോട് ചേർന്നു പോകുന്നതാണ് സ്ഥാപനത്തിൻ്റെ പ്രവർത്തനങ്ങളും സമഗ്രസമീപനവും എന്ന് അവാർഡ് ജൂറി നിരീക്ഷിച്ചു.
79-ാമത് യുഎൻ ജനറൽ അസംബ്ലി സെഷൻ, ചരിത്ര പ്രധാനമായ സമിറ്റ് ഓഫ് ഫ്യൂച്ചർ ഇവയോടനുബന്ധിച്ച് ന്യൂയോർക്കിലെ കോർനൽ യൂണിവേഴ്സിറ്റിയിൽ 2024ലെ എട്ടാമത് ഗ്രീൻ സ്കൂൾ കോൺഫറൻസിൽവെച്ച്
സെപ്റ്റംബർ 24 ന് പുരസ്കാര ചടങ്ങ് നടക്കും. സുസ്ഥിരപഠനാന്തരീക്ഷം പരിപോഷിപ്പിക്കുന്നതിൽ കോളേജിൻ്റെ അർപ്പണബോധത്തിനുള്ള അംഗീകാരമാണ് ഈ പുരസ്കാരമെന്ന് മാർ അത്തനേഷ്യസ് കോളേജ് അസോസിയേഷൻ സെക്രട്ടറി ഡോ. വിന്നി വർഗീസ് അഭിപ്രായപ്പെട്ടു. പരിസ്ഥിതി പ്രവർത്തനങ്ങൾ കൂടുതൽ വിപുലീകരിക്കാൻ അന്താരാഷ്ട്ര അംഗീകാരം പ്രോത്സഹനമാണെന്ന് പ്രിൻസിപ്പൽ ഡോ. മഞ്ജു കുര്യൻ പറഞ്ഞു.





Local
കിഴക്കേക്കര ധ്വനി പബ്ലിക് ലൈബ്രറി ആന്റ് റീഡിംഗ് റൂമിന്റെ രണ്ടാമത് വാര്ഷികാഘോഷം സംഘടിപ്പിച്ചു

മൂവാറ്റുപുഴ: കിഴക്കേക്കര ധ്വനി പബ്ലിക് ലൈബ്രറി ആന്റ് റീഡിംഗ് റൂമിന്റെ രണ്ടാമത് വാര്ഷികാഘോഷ പരിപാടികളുടെ പ്രചരണാര്ത്ഥം വിളംബര ജാഥ സംഘടിപ്പിച്ചു. ലൈബ്രറി പരിസരത്തുനിന്നും ആരംഭിച്ച ജാഥ വാര്ഡ് മെമ്പര് ശ്രീനി വേണു ഫ്ളാഗ്ഓഫ് ചെയ്തു.
ലൈബ്രറി സെക്രട്ടറി തിലക് രാജ് മൂവാറ്റുപുഴ, പ്രസിഡന്റ് മിനിമോള് രാജീവ്, എക്സിക്യൂട്ടീവ് കമ്മിറ്റി അംഗങ്ങളായ, ബിജു വി.കെ, വേണു വി.ജി, എം.ടി രാജീവ് എന്നിവര് നേതൃത്വം നല്കി. ബാലവേദിയിലേയും, വനിതാവേദിയിലേയും അംഗങ്ങള് ബഹുജനങ്ങള് തുടങ്ങിയവര് പങ്കെടുത്തു. ഫെബ്രുവരി 22, 23 തീയതികളിലാണ് വാര്ഷികാഘോഷം നടത്തപ്പെടുന്നത്.


വാര്ഷികത്തിന്റെ ഭാഗമായി വനിതാസംഗമം, കൈകൊട്ടിക്കളിമത്സരം, നാടകം, സംസ്കാരികസമ്മേളനം, കവിതാരചനാമത്സരം, കുട്ടികള്ക്കായുള്ള വിവിധകായികമത്സരങ്ങള്, ആലപ്പുഴ ബ്ലൂ ഡയമണ്സിന്റെ ഗാനമേള എന്നിവയുണ്ടായിരിക്കും.








Local
പുരോഗമന കലാ സാഹിത്യ സംഘം ഗായകന് പി.ജയചന്ദ്രന്റെ അനുസ്മരണം സംഘടിപ്പിച്ചു

മൂവാറ്റുപുഴ; പുരോഗമന കലാ സാഹിത്യ സംഘം മുവാറ്റുപുഴ മേഘല കമ്മറ്റിയുടെ ആഭിമുഖ്യത്തില് ഗായകന് പി .ജയചന്ദ്രന് അനുസ്മരണം സംഘടിപ്പിച്ചു. മുവാറ്റുപുഴ അര്ബന് ബാങ്ക് ഹാളില് നടന്ന അനുസ്മരണ യോഗത്തില് ഗായികയും റേഡിയോ ആര്ട്ടിസ്റ്റുമായ തെന്നല് അനുസ്മരണ പ്രഭാഷണം നടത്തി.
സംഘം പ്രവര്ത്തകരായ കലാകാരന്മാരെ എ.പി വര്ക്കി മിഷന് ചെയര്മാന് പി. ആര് മുരളീധരന് മൊമെന്റോ നല്കി ആദരിച്ചു. മേഖലാപ്രസിഡന്റ് സി.എന് കുഞ്ഞുമോള് ആധ്യക്ഷത വഹിച്ച യോഗത്തില് സാഹിത്യസംഘം ജിലാകമ്മറ്റി അംഗം കുമാര്.കെ മുടവൂര്, മേഖല സെക്രട്ടറി കെ.മോഹനന്, വൈസ് പ്രസിഡണ്ട് എം.എന് .രാധാകൃഷ്ണന്, ട്രഷറര് എന്.വി.പീറ്റര് തുടങ്ങിയവര് പ്രസംഗിച്ചു. പി.ജയചന്ദ്രന്റെ ഓര്മ്മക്കായി നടത്തിയ ഗാനാഞ്ജലിയില് മുപ്പതോളം കലാകാരന്മാര് അദ്ദേഹത്തിന്റെ ഗാനങ്ങള് ആലപിച്ചു.







Local
പെരുമ്പാവൂരിൽ പൂട്ടിയിട്ട ഗോഡൗണിൽ നിന്നും 400 ചാക്ക് നിരോധിത ലഹരി ഉത്പന്നങ്ങൾ പിടികൂടി

പെരുമ്പാവൂർ; പെരുമ്പാവൂരിൽ 400 ചാക്ക് നിരോധിത ലഹരി ഉത്പന്നങ്ങൾ പിടികൂടി.പെരുമ്പാവൂരിലെ സ്വാത്ത് വല്ലം ഭാഗത്തെ ഗോഡൗണിൽ നിന്നുമാണ് ലഹരി ഉത്പന്നങ്ങൾ പിടികൂടിയത്.
രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന.പൂട്ടി കിടക്കുന്ന നിലയിലായിരുന്ന ഗോഡൗൺ തുറന്ന് നടത്തിയ പരിശോധനയിലാണ് അട്ടിയിട്ട ചാക്കുകളിലായി നിരോധിത ലഹരി ഉത്പന്നങ്ങൾ കണ്ടെത്തിയത്.


ഇതര സംസ്ഥാനക്കാരെ ലക്ഷ്യമിട്ടാകാം ഇത്തരത്തിൽ ലഹരി സൂക്ഷിച്ചിരുന്നത് എന്നാണ് പോലീസിന്റെ പ്രാഥമിക നിഗമനം.
തിരുവനന്തപുരം സ്വദേശിയുടെ പേരിലുണ്ടായിരുന്ന ഗോഡൗൺ ഇപ്പോൾ കൈവശം വച്ചിരിക്കുന്നത് ഒരു പെരുമ്പാവൂർ സ്വാദേശിയാണ് എന്നാണ് പുറത്തുവന്നിട്ടുള്ള വിവരം.



ഇയാൾക്കായി പോലീസ് അന്വേഷണം ആരംഭിച്ചിട്ടുണ്ട്.സംഭവത്തിൽ കൂടുതൽ പേർ ഉൾപെട്ടിട്ടുള്ളതായാണ് നിഗമനം.





-
Uncategorized5 months ago
കോതമംഗലത്ത് റിട്ടേർഡ് തഹസിൽദാരെ കിണറ്റിൽ മരിച്ച നിലയിൽ കണ്ടെത്തി
-
Local6 months ago
പ്രതി ഒളിവിൽ;കോതമംഗലം പോലീസ് രേഖാചിത്രം പുറത്തുവിട്ടു , വിവരം ലഭിച്ചാൽ അറിയക്കണമെന്നും പോലീസ്
-
latest news4 months ago
കൊച്ചി ധനുഷ്കോടി ദേശീയപാതയിൽ കെഎസ്ആർടിസി ബസ് മറിഞ്ഞ് അപകടം
-
Local6 months ago
കോട്ടപ്പടി വടക്കുംഭാഗത്ത് ടാപ്പിംഗ് തൊഴിലാളിയെ കാട്ടാനാ ആക്രമിച്ചത് പിന്നില് നിന്ന്,സംഭവം ഇന്ന് രാവിലെ,പരിക്ക് ഗുരുതരമെന്നും സൂചന
-
Local6 months ago
മാമലക്കണ്ടം ഇംളംബ്ലാശേരിയിൽ ആത്മഹത്യഭീഷിണി മുഴക്കി കെട്ടിടത്തിനുള്ളിൽ യുവാവ്;പ്രദേശം വളഞ്ഞ് പോലീസും വനംവകുപ്പ് ജീവനക്കാരും
-
Uncategorized5 months ago
കോതമംഗലം മാർത്തോമ ചെറിയ പള്ളിയിൽ കലവറ നിറയ്ക്കൽ ശ്രദ്ധേയമായി
-
Local6 months ago
കോട്ടപ്പടി വടക്കുംഭാഗത്ത് ആന ആക്രമണം;ടാപ്പിംഗ് തൊഴിലാളിക്ക് പരിക്ക്
-
Local6 months ago
കോതമംഗലം വ്യാപാരഭവൻ നവീകരിയ്ക്കുന്നു; ഏസി ഹാൾ അടക്കം വിപുലമായ സൗകര്യങ്ങൾ ഒരുക്കും,നിർമ്മാണ പ്രവർത്തനങ്ങൾക്ക് കരാർ ഒപ്പിട്ടു
You must be logged in to post a comment Login