കോതമംഗലം: സെന്റ് അഗസ്റ്റിൻസ് ഗേൾസ് ഹയർസെക്കൻഡറി സ്കൂളിൽ, ഈ അധ്യയനവർഷം വിവിധ രംഗങ്ങളിൽ മികവ് പുലർത്തിയ പ്രതിഭകളെ ആദരിക്കുന്ന ചടങ്ങ് ആന്റണി ജോൺ എംഎൽഎ ഉദ്ഘാടനം ചെയ്തു.

പിടിഎ പ്രസിഡണ്ട് സോണി മാത്യു അധ്യക്ഷത വഹിച്ച ചടങ്ങിൽ മുനിസിപ്പൽ ചെയർമാൻ കെ കെ ടോമി, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ അഡ്വക്കേറ്റ് ജോസ് വർഗീസ്, ആരോഗ്യകാര്യ സ്റ്റാൻഡിങ് കമ്മിറ്റി ചെയർമാനും വാർഡ് കൗൺസിലറുമായ കെ.വി തോമസ്, എം പി ടി എ പ്രസിഡണ്ട് ജിപ്സി അലക്സ്, പിടിഎ എക്സിക്യൂട്ടീവ് മെമ്പർ ജിജു തോമസ് എന്നിവർ പ്രതിഭകൾക്ക് ആശംസകൾ നേർന്നു.

സ്കൂൾ ഹെഡ് മിസ്ട്രസ് സിസ്റ്റർ റിനി മരിയ സ്വാഗതം അർപ്പിക്കുകയും, സ്കൂൾ ലീഡർ കുമാരി ദേവനന്ദ സുരേഷ് കൃതജ്ഞത അർപ്പിക്കുകയും ചെയ്തു.

സംസ്ഥാനതലത്തിൽ കല,ശാസ്ത്രം, സ്പോർട്സ് എന്നിവയിൽ മികവ് പുലർത്തിയ പ്രതിഭകൾക്കും, എൻ എം എം എസ്, യുഎസ്എസ് വിജയികൾക്കും രാജ്യപുരസ്കാർ ഗൈഡ്സിനും ഒരുക്കിയ വർണ്ണശബളമായ അനുമോദന ചടങ്ങിൽ, പ്രതിഭകളെ, ബാൻഡ് മേള ത്തോടെ വേദിയിലേക്ക് ആനയിക്കുകയും, മെമെന്റോകളും സർട്ടിഫിക്കറ്റുകളും നൽകി എംഎൽഎ അനുമോദിക്കുകയും ചെയ്തു.

ഇവരെ കൂടാതെ, സബ്ജില്ലാ മത്സരങ്ങളിൽ ഒന്നാം സ്ഥാനം കരസ്ഥമാക്കിയ 222 പ്രതിഭകൾ, രണ്ടും മൂന്നും സ്ഥാനങ്ങൾ നേടിയ 90 വിദ്യാർത്ഥിനികൾ, ലിറ്റിൽ കൈറ്റ്സ് , റെഡ് ക്രോസ് വിജയികളായ 96 കുട്ടികൾ, കെസിഎസിൽ വിജയികളായ 16 വിദ്യാർത്ഥിനികൾ ഉൾപ്പെടെ 492 കുട്ടികളെയാണ് പ്രതിഭാ ദിനത്തിൽ ആദരിച്ചത്.

കോതമംഗലം ; മേരി ജോർജ് നടുവിലേടത്ത് അന്തരിച്ചു. 79 വയസ്സായിരുന്നു.

സംസ്കാരശുശൂഷകൾ ഇന്ന് രാവിലെ 11 മണിയ്ക്ക് വിട്ടിലെ ശുശ്രൂഷകൾകുശേഷം ഇരട്ട യാനിക്കുന്ന്’സെൻ്റ് ജോർജ് യാക്കോബായ സുറിയാനി പള്ളിയിൽ.

മക്കൾ ജോബി ,സോബി ജോളി .. മരുമക്കൾ ജോബിയുടെ ഭാര്യ ആനിസ് പുതുപ്പാടി ഇടപ്പറമ്പിൽ കുടുബാംഗം.

സോബിയുടെ ഭർത്താവ് സണ്ണി കറുകടംകയനാട്ടുമറ്റത്തിൽ കുടുംബാഗം ജോളിയുടെ ഭാര്യ ജോമോൾ ഇളങ്ങവും മാർ ക്കരയിൽ കുടുബാംഗം. ഈസ്റ്റ് മാറാടി ഹൈസ്കൂൾ ജംഗ്ഷൻ.

കോതമംഗലം;കരം അടച്ചു വരുന്ന രേഖകൾ കുട്ടമ്പുഴ പഞ്ചായത്ത് രജിസ്റ്ററിൽ ഉണ്ടായിട്ടും സഞ്ചയ സോഫ്റ്റ് വെയറിൽ കടമുറികളുടെ വിവരങ്ങൾ ലഭ്യമല്ലെന്ന്‌ കാട്ടി കരം സ്വികരിക്കാൻ തയാറായില്ല.അദാലത്തിൽ നടപടി സ്വീകരിച്ച് വ്യവസായ വകുപ്പ് മന്ത്രിക്ക് പി.രാജീവ്.

കുട്ടമ്പുഴ പഞ്ചായത്തിലെ വലിയ കരോട്ടിൽ സഹോദരങ്ങളായ സണ്ണി ദാനിയേലിൻ്റെയും ബെന്നി ദാനിയേലിൻ്റെയും അഞ്ച് കടമുറികളുടെ നമ്പറുകൾ സഞ്ചയ സോഫ്റ്റ് വെയറിൽ ലഭ്യമല്ലെന്ന് കാട്ടി 2017 മുതൽ അധികൃതർ ഇവരിൽ നിന്നും കരം സ്വികരിക്കാതിരുന്നതോടെയാണ് ഇരുവരും കോതമംഗലത്ത് സംഘടിപ്പിച്ച അദാലത്തിൽ പരാതി നൽകിയത്.

അദാലത്തിൽ മുൻകൂറായി നൽകിയ പരാതി പരിശോധിച്ച മന്ത്രി പി.രാജീവ് 1963 മുതൽ കരം അടച്ചു വരുന്ന രേഖകൾ കുട്ടമ്പുഴ പഞ്ചായത്ത് രജിസ്റ്ററിൽ ഉണ്ടായിട്ടും സോഫ്റ്റ് വെയറിലെ പ്രശ്നം മൂലം തുടർന്ന് വാങ്ങാതിരിക്കുന്നത് ന്യായമല്ലെന്ന് കണ്ടെത്തുകയും,കോടതികൾ കെട്ടിടത്തിൻ്റെ കാര്യത്തിൽ പ്രത്യേക നിർദ്ദേശങ്ങൾ നൽകിയിട്ടില്ലെങ്കിൽ തുടർന്ന് കരം സ്വീകരിക്കാൻ നിർദ്ദേശിക്കുകയുമായിരുന്നു.

കൂടാതെ സോഫ്റ്റ്‌വെയറിൽ ഉചിതമായ മാറ്റം വരുത്താൻ മന്ത്രി എൽ എസ് ജി ഡി ജോയിൻ്റ് ഡയറക്ടറെ ചുമതലപ്പെടുത്തി. അപേക്ഷ ലഭിക്കുന്നതിനനുസരിച്ച് കടമുറികളും വീടും ഉൾപ്പെടുന്ന അഞ്ച് സെൻ്റ് ഭൂമിയ്ക്ക് പട്ടയം നൽകുന്നതിനുള്ള നടപടി റവന്യൂ ഡെപ്യൂട്ടി കളക്ടർ (എൽ.ആർ) സ്വീകരിക്കണമെന്നും മന്ത്രി നിർദ്ദേശിച്ചു.