കോതമംഗലം; വിവിധ സംഘടനകളുടെയും സ്ഥാപനങ്ങളുടെയും ആഭിമുഖ്യത്തിൽ വിപുലമായ പരിപാടികളോടെ സ്വാതന്ത്ര്യദിനം ആഘോഷിച്ചു.

എം. എ. കോളേജിൽ 78-ാം സ്വാതന്ത്ര്യദിനാഘോഷം

കോതമംഗലം:എം. എ കോളേജ് എൻസിസിയുടെ നേതൃത്വത്തിൽ കോളജിൽ സ്വാതന്ത്ര്യദിന പരിപാടികൾ സംഘടിപ്പിച്ചു.

പ്രിൻസിപ്പൽ ഡോ. മഞ്ജു കുര്യൻ പതാക ഉയർത്തി സ്വാതന്ത്ര്യ ദിന സന്ദേശം നൽകി.തുടർന്ന് നടന്ന റാലിയിൽ എൻസിസി കേഡറ്റുകളും എൻഎസ്എസ് വിദ്യാർത്ഥികളും, അധ്യാപകരും പങ്കെടുത്തു. വിവിധ കലാപരിപാടികളും സ്വാതന്ത്ര്യദിന ക്വിസ് മത്സരവും സംഘടിപ്പിച്ചു.

സ്വാതന്ത്ര്യസമരത്തെ കുറിച്ച് സെമിനാർ നടത്തി വിദ്യാർത്ഥികളെ ബോധവത്കരിച്ചു . ദേശീയഗാനത്തോട് കൂടി പരിപാടികൾ അവസാനിച്ചു.ചടങ്ങുകൾക്ക് എൻ സി സി ഓഫീസർ ഡോ. രമ്യ കെ,എൻ എസ് എസ് പ്രോഗ്രാം ഓഫീസർ ഡോ. എൽദോസ് എ വൈ എന്നിവർ നേതൃത്വം നൽകി

പല്ലാരിമംഗലത്ത് പുലരി കൾച്ചറൽ സെന്റെറിന്റെ ആഭിമുഖ്യത്തിൽ സ്വാതന്ത്ര്യദിനം ആഘോഷിച്ചു

പുലരി ആസ്ഥാനത്ത് നടന്ന ചടങ്ങിൽ പുലരി സാംസ്‌കാരിക വേദി പ്രസിഡന്റ് ഫാറൂഖ് നടത്തിക്കുന്നേൽ പതാക ഉർത്തി. പല്ലാരിമംഗലം ദാറുൽ ഇസ്ലാം ജമാഅത്ത് ഇമാം അമീൻബാക്കവി സ്വാതന്ത്ര്യ ദിന സന്ദേശം നല്കി.

പല്ലാരിമംഗലം പള്ളിക്കുന്നിൽ പ്രവർത്തിക്കുന്ന പുലരി കൾച്ചറൽ സെന്റെറിന്റെ ആഭിമുഖ്യത്തിൽ 78-ാം മത് സ്വാതന്ത്ര്യ ദിനം സമുചിതമായി ആഘോഷിച്ചു.

മുഴമ്മദാലി ഫൈസി അബൂബക്കർ താണിക്കുന്നേൽ എന്നിവർ പ്രസംഗിച്ചു.

കോതമംഗലം അഗ്‌നിരക്ഷാനിലയത്തിൽ സ്വാതന്ത്ര്യ ദിനം ആഘോഷിച്ചു

കോതമംഗലം അഗ്‌നിരക്ഷാനിലയത്തിൽ സ്വാതന്ത്ര്യ ദിനമാഘോഷിച്ചു. അഗ്‌നി രക്ഷാനിലയം ഗ്രൗണ്ടിൽ നടന്ന ചടങ്ങിൽ സ്റ്റേഷൻ ഓഫീസർ കെ.കെ. ബിനോയ് പതാക ഉയർത്തി സ്വതന്ത്ര്യ ദിന സന്ദേശം നൽകി.

എം. അനിൽ കുമാർ കെ.എൻ. ബിജു. സുനിൽ മാത്യു .പി എം റഷീദ് വിനോദ് നാരായണൻ എന്നിവർ പ്രസംഗിച്ചു.വയനാട് ദുരന്തത്തിൽ മരണമടഞ്ഞവർക്ക് യോഗം അനുശോചനമർപ്പിച്ചു.

എം ബി എം എം അസോസിയേഷന്റെ നേതൃത്വത്തിൽ സ്വാതന്ത്ര്യദിനം ആഘോഷിച്ചു.

കോതമംഗലം മാർ ബസെലിയോസ് മെഡിക്കൽ മിഷൻ അസോസിയേഷൻ 78 മത് സ്വാതന്ത്ര്യദിനം ആഘോഷിച്ചു.

എം ബി എം എം അസോസിയേഷന്റെ കീഴിലുള്ള എംബിഎംഎം ഹോസ്പിറ്റൽ, ഡെന്റൽ കോളേജ്, നഴ്‌സിംഗ് കോളേജ് എന്നിവിടങ്ങളിലായി എംബിഎംഎം സെക്രട്ടറി ബിനോയ് തോമസ് മണ്ണഞ്ചേരി, വൈസ് പ്രസിഡന്റ് ബാബു മാത്യു കൈപ്പിള്ളി, ട്രഷറർ ഡോ.റോയ് ജോർജ്ജ്് മാലിയിൽ എന്നിവർ പതാക ഉയർത്തി.

മാനേജിംഗ് ബോർഡ് മെമ്പർ പ്രീറ്റ്‌സി പോൾ, വിൻസെന്റ് പൈലി, എൽദോസ് പാലക്കാടൻ, ഹോസ്പിറ്റൽ അഡ്മിനിസ്‌ട്രേറ്റർ ഡോ. തോമസ് മാത്യു,ഡോ.ജോർജ് എബ്രഹാം,പ്രിൻസിപ്പൽമാരായ ഡോ. ബൈജു കുര്യൻ,ഡോ.ഐറിൻ സി പൗലോസ് എന്നിവരും സ്റ്റാഫുകളും വിദ്യാർത്ഥികളും ആഘോഷത്തിൽ പങ്കാളികളായി.

വിദ്യാർത്ഥികൾ കേന്ദ്രസർക്കാരിന്റെ ‘നശാ മുക്ത് ഭാരത് അഭിയാൻ’ (ലഹരി വിമുക്ത ഭാരത് കാമ്പയിൻ) ന്റെ ഭാഗമായി ലഹരിമുക്ത പ്രതിജ്ഞനടത്തി.വിദ്യാർത്ഥികളുടെ കലാപരിപാടികളും ഉണ്ടായിരുന്നു.

കോൺഗ്രസ് തൃക്കാരിയൂർ മണ്ഡലം കമ്മിറ്റിയുടെ നേതൃത്വത്തിൽ സ്വാനന്ത്ര്യ ദിനം ആഘോഷിച്ചു.

കോൺഗ്രസ് തൃക്കാരിയൂർ മണ്ഡലം കമ്മിറ്റിയുടെ നേതൃത്വത്തിൽ തൃക്കാരിയൂരിൽ വിവിധ പരിപാടികളോടെ സ്വാതന്ത്ര്യദിനം ആഘോഷിച്ചു.

കോൺഗ്രസ് തൃക്കാരിയൂർ മണ്ഡലം പ്രസിഡന്റ് സുരേഷ് ആലപ്പാട്ട് അധ്യക്ഷനായി.കെ എസ് യു സംസ്ഥാന സെക്രട്ടറി ബേസിൽ പാറേക്കുടി ദേശീയ പതാക ഉയർത്തി.

ഐ എൻ റ്റി യൂ സി ജില്ലാ വൈസ് പ്രസിഡന്റ് ചന്ദ്രലേഖ ശശിധരൻ സന്ദേശം നൽകി.വിജയൻ നായർ,എബി ചേലാട്ട്, പി പി തങ്കപ്പൻ,വിജിത്ത് വിജയൻ, പി കെ തമ്പി, രാഹുൽ തങ്കപ്പൻ, ഓമനവാസു, എൽദോസ് പള്ളിമാലി, കൃഷ്ണകുമാർ പടിപ്പുര,ഗോപിനാഥൻ നായർ, പൗലോസ് കാക്കനാട്ട്, ജയരാജ് ആയക്കാട്, സുരേഷ് നരേക്കാട്ട്, രമേശൻ തൃക്കാരിയൂർ, പൗലോസ് എബ്ബാശേരി, ബേബി എന്നിവർ പ്രസംഗിച്ചു.

വ്യാപാരികളുടെ നേതൃത്വത്തിൽ സ്വാതന്ത്ര്യദിനം ആഘോഷിച്ചു

വ്യാപാരികളുടെ നേതൃത്വത്തിൽ കോതമംഗലത്ത് സ്വാതന്ത്ര്യദിനം ആഘോഷിച്ചു.

നഗരത്തിൽ നടന്ന ആഘോഷ പരിപാടിയിൽ കേരള വ്യാപാരി വ്യാവസായി ഏകോപന സമതി ടൗൺ യൂണിറ്റ് പ്രിസിഡന്റ് എൻ ബി നൗഷാദ് പതാക ഉയർത്തി.

സെക്രട്ടറി ഷിന്റോ ഏല്യാസ് ട്രഷറാർ കെ കെ വിശ്വനാഥൻ എന്നിവർ നേതൃത്വം നൽകി.