Local
കാർഷിക ഗവേഷണ കേന്ദ്രം നെൽവിത്ത് നൽകിയതിൽ പിഴവെന്ന് ആരോപണം;5 ലക്ഷം രൂപ നഷ്ടമായി,നിയമനടപടിയ്ക്ക് നീക്കമെന്നും കർഷകർ
നെൽസൻ പനയ്ക്കൽ
മൂവാറ്റുപുഴ; തൃശൂർ കാർഷിക ഗവേഷണ കേന്ദ്രത്തിൽ നിന്നും നെൽവിത്ത് നൽകിയതിൽ പിഴവെന്ന് ആരോപണം.5 ലക്ഷം രൂപ നഷ്ടമായെന്ന് കർഷകർ.
പത്തേക്കറോളം വരുന്ന മൂവാറ്റുപുഴ ഈസ്റ്റ് മാറാടി കടുവേലിപ്പാടത്ത് കൃഷിയിറക്കിയ പത്തിലേറെ വരുന്ന കർഷകരാണ് ഗതികേടിലായിട്ടുള്ളത്.മിക്കവരും പാട്ടത്തിന് സ്ഥലമെടുത്താണ് കൃഷിയിറക്കിയിട്ടുള്ളത്.
ഉമ നെൽവിത്താണ് തങ്ങൾ ആവശ്യപ്പെട്ടതെന്നും ലഭിച്ചത് മറ്റെതോ ഇനത്തിൽപ്പെട്ട നെൽവിത്താണെന്നും ഇതുമൂലം കൃഷിയിറക്കാൻ മുടക്കായ 5 ലക്ഷത്തോളം രൂപ നഷ്ടമാവുന്ന സാഗഹചര്യനമാണ് നിലവിലുള്ളതെന്നും കർഷകർ വ്യക്തമാക്കി.
വിവരമറിഞ്ഞ് കൃഷിവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി.ഉമ നെൽവിത്തല്ല കൃഷിയിറക്കിയിട്ടുള്ളതെന്ന് അധികൃതർ സ്ഥിരീകരിച്ചെന്നും പിഴവ് സംബന്ധിച്ച് അന്വേഷണം നടത്തുമെന്നാണ് അറിയിച്ചിട്ടുള്ളതെന്നും കർഷകർ പറയുന്നു.
കഴിഞ്ഞ വർഷം ഉമ വിത്താണ് പാടശേഖരത്തിൽ കൃഷിയിറക്കിയിരുന്നത്.10 ലക്ഷത്തോളം രൂപയുടെ നെല്ല് ഇവിടെ നിന്നും ലഭിച്ചിരുന്നു.ഉമ വിത്തിന് 120 ദിവസത്തെ മൂപ്പാണുള്ളത്.നിലവിൽ കൃഷി ചെയ്തിട്ടുള്ള വിത്തിന് കൂടിയാൽ 90 ദിവസത്തെ മൂപ്പെ ഉണ്ടാവു എന്നാണ് കർഷകരുടെ കണക്കുകൂട്ടൽ.നട്ട് ഒരു മാസം എത്തിയപ്പോഴേയ്ക്ക് കതിരിട്ടതിനാൽ വിളവ് കാര്യമായി ലഭിയ്ക്കാനിടയില്ലന്നാണ് ഇക്കൂട്ടരുടെ നിഗമനം.
വിതയ്ക്കാൻ കഴിയുന്ന ഇനം നെൽവിത്താണ് ലഭിച്ചത്.ഇത് വിതച്ചിരുന്നെങ്കിൽ ഞാറുനടാൻ മുടക്കായ പണമെങ്കിലും ലാഭിയ്ക്കാമായിന്നു.ഇപ്പോഴത്തെ കൃഷി മൂപ്പെത്തിയാലും അത് കൊയ്‌തെടുക്കാനുള്ള തുക മാത്രമെ ലഭിയ്ക്കു എന്നുള്ളതാണ് യാഥാർത്ഥ്യം കർഷകർ വിശദമാക്കി.
കൃഷി വകുപ്പ് ജീവനക്കാരുടെ പിഴവ് മൂലം നേരിട്ട സാമ്പത്തീക നഷ്ടം ഈടാക്കാൻ നിയമനടപടികളെക്കുറിച്ച് ആലോചിയ്ക്കുന്നുണ്ടെന്നും കർഷകർ പറഞ്ഞു.
മുവാറ്റുപുഴ : പായിപ്ര ഗ്രാമ പഞ്ചായത്ത്‌ വൈസ് പ്രസിഡന്റ്‌ സ്ഥാനം ഷോബി അനിൽ രാജിവെച്ചു.ഒരു വർഷം കൂടി കാലാവധി ബാക്കിയുള്ളപ്പോഴായിരുന്നു രാജി.
ഇന്നലെ രാവിലെ പഞ്ചായത്ത്‌ സെക്രട്ടറിക്കാണ് പതിനാറാം വാർഡിൽ നിന്നുള്ള അംഗമായ ഷോബി അനിൽ രാജി നൽകിയത്. കഴിഞ്ഞ പഞ്ചായത്ത്‌ തെരഞ്ഞെടുപ്പിന് ശേഷം ആദ്യത്തെ 2 വർഷം നിസ മൈ‌തീനും തുടർന്നുള്ള 3 വർഷം ഷോബി അനിലും എന്നായിരുന്നു പാർട്ടിയിൽ ഉണ്ടാക്കിയ ധാരണ.
എന്നാൽ രണ്ട് വർഷം കഴിഞ്ഞ് നിസ മൊയ്‌തീൻ രാജി വെച്ചപ്പോൾ മാത്യു കുഴൽനാടൻ എംഎൽഎ, ബ്ലോക്ക് പ്രസിഡന്റ്‌ സാബു ജോൺ, മണ്ഡലം പ്രസിഡന്റ്‌ ഷാൻ പ്ലാക്കുടി എന്നിവരുടെ നിർദ്ദേശ പ്രകാരം പന്ത്രണ്ടാം വാർഡ് അംഗം നെജി ഷാനവാസിന് അവസാനത്തെ ഒരു വർഷം വൈസ് പ്രസിഡന്റ്‌ സ്ഥാനം നൽകാമെന്ന് ധാരണയായി.
ഇതേ തുടർന്നാണ് ഒരു വർഷം ശേഷിക്കേ ഷോബി അനിൽ രാജി വെച്ചത്. യുഡിഎഫിൽ കോൺഗ്രസ്‌ 8, മുസ്ലിം ലീഗ് 3 എന്നിങ്ങനെയാണ് കക്ഷി നിലയെങ്കിൽ സിപിഎം 8, സിപിഐ 1, കോൺഗ്രസ്‌ വിമതൻ 1 എന്നിങ്ങനെയാണ് എൽഡിഎഫ് കക്ഷി നില.
മുവാറ്റുപുഴ :മുസ്ലിം ലീഗ് കാലാമ്പൂർ ശാഖാ കമ്മിറ്റി സംഘടിപ്പിച്ച പ്രവർത്തക സംഗമം നടന്നു. മുസ്ലിം ലീഗ് സംസ്ഥാന സെക്രട്ടേറിയറ്റ് മെമ്പർ ടി എ അഹമ്മദ് കബീർ ഉദ്ഘാടനം ചെയ്തു.
ശാഖാ പ്രസിഡന്റ്‌ കെ ഇ സുലൈമാൻ അദ്ധ്യക്ഷത വഹിച്ചു.
മുസ്ലിം ലീഗ് ജില്ലാ വൈസ് പ്രസിഡന്റ്‌ അഡ്വ: കെ എം ഹസൈനാർ മുഖ്യ പ്രഭാഷണവും,പഞ്ചായത്ത്‌ ലീഗ് പ്രസിഡന്റ്‌ മുഹമ്മദ് ഇലഞ്ഞായി ആമുഖ പ്രഭാഷണവും നടത്തി.
മസ്കറ്റ് കെ എം സി സി സെക്രട്ടറി കെ എസ് ഷാനവാസ്, വാർഡ് മെമ്പർ ഉഷാ രാമകൃഷ്ണൻ,പി കെ മൊയ്‌ദു,വനിതാ ലീഗ് പ്രസിഡന്റ്‌ സുലൈഖ യൂസുഫ്, യൂത്ത് ലീഗ് പ്രസിഡന്റ്‌ ജിതിൽ ജാസ്, എം എസ് എഫ് പ്രസിഡന്റ്‌ ഷാഹുൽ, ഹരിത പ്രതിനിധി നസീഹ അബ്ദുൾ കാദർ,അലി ഈറക്കൽ,ഉനൈസ് കൊടക്കനാൽ, നസീർ ചിറപ്പുറം തുടങ്ങിയവർ പ്രസംഗിച്ചു.
മുൻകാലങ്ങളിൽ പാർട്ടിയോടൊപ്പം ചേർന്ന് ശാഖയിൽ പ്രവർത്തനം നടത്തിയ നൽപ്പതോളം സീനിയർ പ്രവർത്തകരെ ടി എ അഹമ്മദ് കബീർ ആദരിച്ചു. ചടങ്ങിൽ ഐഡന്റിറ്റി കാർഡുകളുടെ വിതരണവും നടന്നു.
രോഗാവസ്ഥയിലായ മുസ്ലിം ലീഗ് പ്രവർത്തകന് വേണ്ടിയുള്ള ഫണ്ട്‌ ശേഖരണത്തിന്റെ ഉദ്ഘാടനം സി എച്ച് ചാരിറ്റിയിൽ നിന്നും സംഭാവന സ്വീകരിച്ച് കൊണ്ട് ചടങ്ങിൽ നിർവഹിച്ചു.ജനറൽ സെക്രട്ടറി അഷ്‌റഫ്‌ ഇടുമാങ്കുഴി സ്വാഗതവും ട്രഷറർ പി എം സെയ്ദ് നന്ദിയും പറഞ്ഞു.
കോതമംഗലം: :മലയാളത്തിന്റെ സാഹിത്യ കുലപതി എം ടി വാസുദേവൻ നായർ,മുൻപ്രധാനമന്ത്രി ഡോ.മൻമോഹൻ സിംഗ് എന്നിവരുടെ നിര്യാണത്തിൽ കേരളാ ജേർണലിസ്റ്റ്സ് യൂണിയൻ കോതമംഗലം താലൂക്ക് കമ്മിറ്റി അനുശോചനം രേഖപ്പെടുത്തി.
അനുശോചന യോഗം കേരള ജേർണലിസ്റ്റ് യൂണിയൻ സംസ്ഥാന സെക്രട്ടറി ജോഷി അറയ്ക്കൽ ഉദ്ഘാടനം ചെയ്തു. താലൂക്ക് പ്രസിഡൻ്റ് പിഎ സോമൻ അധ്യക്ഷനായി.
ദീപു ശാന്താറാം ,പി സി പ്രകാശ് ,സീതി മുഹമ്മദ് തുടങ്ങിയവർ സംസാരിച്ചു.
-
Uncategorized3 months agoകോതമംഗലത്ത് റിട്ടേർഡ് തഹസിൽദാരെ കിണറ്റിൽ മരിച്ച നിലയിൽ കണ്ടെത്തി
-
Local4 months agoപ്രതി ഒളിവിൽ;കോതമംഗലം പോലീസ് രേഖാചിത്രം പുറത്തുവിട്ടു , വിവരം ലഭിച്ചാൽ അറിയക്കണമെന്നും പോലീസ്
-
latest news2 months agoകൊച്ചി ധനുഷ്കോടി ദേശീയപാതയിൽ കെഎസ്ആർടിസി ബസ് മറിഞ്ഞ് അപകടം
-
Local4 months agoകോട്ടപ്പടി വടക്കുംഭാഗത്ത് ടാപ്പിംഗ് തൊഴിലാളിയെ കാട്ടാനാ ആക്രമിച്ചത് പിന്നില് നിന്ന്,സംഭവം ഇന്ന് രാവിലെ,പരിക്ക് ഗുരുതരമെന്നും സൂചന
-
Local4 months agoമാമലക്കണ്ടം ഇംളംബ്ലാശേരിയിൽ ആത്മഹത്യഭീഷിണി മുഴക്കി കെട്ടിടത്തിനുള്ളിൽ യുവാവ്;പ്രദേശം വളഞ്ഞ് പോലീസും വനംവകുപ്പ് ജീവനക്കാരും
-
Uncategorized3 months agoകോതമംഗലം മാർത്തോമ ചെറിയ പള്ളിയിൽ കലവറ നിറയ്ക്കൽ ശ്രദ്ധേയമായി
-
Local4 months agoകോട്ടപ്പടി വടക്കുംഭാഗത്ത് ആന ആക്രമണം;ടാപ്പിംഗ് തൊഴിലാളിക്ക് പരിക്ക്
-
Local4 months agoപൂജകളും വഴിപാടികളും നടത്തി,കാപ്പുകെട്ടി,ഇന്ന് മരം മുറിയ്ക്കൽ; പുതിയ കൊടിമരത്തിനുള്ള തേക്ക് ഇന്ന് തൃക്കാരിയൂർ ക്ഷേത്രത്തിൽ എത്തിയ്ക്കും