കൊച്ചി: ഹേമ കമ്മിറ്റി റിപ്പോർട്ട് പുറത്തു വന്നതിനെ തുടർന്ന് ഉയർന്നിട്ടുള്ള ആരോപണവും കേസുകളും ഓണചിത്രങ്ങളെ ബാധിയ്ക്കുമോ എന്ന് പരക്കെ ആശങ്ക.

വമ്പൻ മുതൽമുടക്കോടെ വരുന്ന ജിതിൻ ലാലിന്റെ ടൊവിനോ തോമസ് ചിത്രം അജയന്റെ രണ്ടാം മോഷണം, ആന്റണി വർഗീസും രാജ് ബി. ഷെട്ടിയും ഒന്നിക്കുന്ന അജിത് മാമ്പള്ളിയുടെ കൊണ്ടൽ, ജിൻജിത് അയ്യത്താന്റെ ആസിഫ് അലി– അപർണ ബാലമുരളി ചിത്രം കിഷ്കിന്ധാകാണ്ഡം, ഒമർ ലുലുവിന്റെ റഹ്മാൻ ചിത്രം ബാഡ്ബോയ്സ് എന്നിവയാണ് പ്രധാന ഓണം റിലീസുകൾ.

ഈ ആഴ്ചയിലാണ് ചിത്രങ്ങളെല്ലാം തിയറ്ററിലെത്തുന്നത്.ഈ ചിത്രങ്ങൾക്കായി 75 കോടിയോളം രൂപ മുടക്കായിട്ടുണ്ടെന്ന് പ്രാഥമീകമായി പുറത്തുവന്നിട്ടുള്ള വിവരം.

തിയറ്ററിലേക്കു പ്രേക്ഷകർ എത്തുമോയെന്ന ആശങ്ക വ്യാപകമാണ്.ചിത്രങ്ങൾക്ക് നല്ല റിപ്പോർട്ട് കിട്ടിയാൽ പ്രേക്ഷകർ ഒഴുകിയെത്തും എന്ന കണക്കുകൂട്ടലിലാണ് അണിയറ പ്രവർത്തകർ.

ആസിഫ് അലിയും, അപർണ ബാലമുരളിയും പ്രധാന കഥാപാത്രങ്ങളെ അവതരിപ്പിക്കുന്ന കിഷ്കിന്ധകാണ്ഡം ദിൻജിത്ത് അയ്യത്താൻ ആണ് സംവിധാനം ചെയ്തിട്ടുള്ളത്.ചിത്രം സസ്പെൻസ് ത്രില്ലറർ ആയിരിയ്ക്കുെമെന്നാണ് സൂചന.

ഛായാഗ്രാഹകൻ കൂടിയായ ബാഹുൽ രമേശാണ് ചിത്രത്തിൻ്റെ രചന നിർവ്വഹിച്ചിരിക്കുന്നത്.കക്ഷി അമ്മിണിപ്പിള്ളയിലെ വിജയകരമായ സഹകരണത്തിന് ശേഷം ആസിഫ് അലിയും, സംവിധായകൻ ദിൻജിത്ത് അയ്യത്താനും ഒന്നിയ്ക്കുന്ന ചിത്രം കൂടിയാണ് ഇത്.

ഗുഡ്‌വിൽ എൻ്റർടൈൻമെൻ്റ്‌സിൻ്റെ ബാനറിൽ ജോബി ജോർജ്ജ് നിർമ്മിച്ച ഈ ചിത്രം അതിൻ്റെ മികച്ച ആഖ്യാനവും, ശക്തമായ പ്രകടനവും കൊണ്ട് പ്രേക്ഷക ശ്രദ്ധ നേടുമെന്നാണ് പ്രതീക്ഷ.സുഷിൻ ശ്യാമിൻ്റെ സംഗീതവും സൂരജ് ഇ.എസിൻ്റെ എഡിറ്റിംഗും ചിത്രത്തിന് കൂടുതൽ മികവ് പകരും എന്നാണ് പൊതുവേയുള്ള വിലയിരുത്തൽ .

ഈ മാസം 12 – ന് ചിത്രം തീയറ്ററുകളിൽ എത്തും.റഹ്മാനും ധ്യാൻ ശ്രീനിവാസനും പ്രധാന വേഷങ്ങളിൽ എത്തുന്ന ബാഡ് ബോയ്സ്, ഒമർ ലുലുവാണ് സംവിധാനം ചെയ്തിട്ടുള്ളത്.അബാം മൂവീസിൻ്റെ ബാനറിൽ എബ്രഹാം മാത്യു നിർമ്മിക്കുന്ന ചിത്രത്തിൻ്റെ തിരക്കഥയും സംഭാഷണവും സാരംഗ് ജയപ്രകാശ് ആണ് നിർവ്വഹിച്ചിട്ടുള്ളത്.

ആൻസൺ പോൾ, സെന്തിൽ കൃഷ്ണ, ബാല, അജു വർഗീസ്, ടിനി ടോം, ഹരിശ്രീ അശോകൻ, രമേഷ് പിഷാരടി, സൈജു കുറുപ്പ്, ബാബു ആൻ്റണി, മല്ലിക സുകുമാരൻ എന്നിവരും ചിത്രത്തിൽ വേഷമിട്ടിട്ടുണ്ട്.ആൽബി ഛായാഗ്രഹണം നിർവ്വഹിച്ചിരിക്കുന്ന ചിത്രത്തിന് സംഗീതം നൽകിയിരിക്കുന്നത് വില്യം ഫ്രാൻസിസ് ആണ്.

ചിത്രം ഒക്ടോബറിലാണ് തീയറ്ററിൽ എത്തുക.അജയൻ്റെ രണ്ടാം മോഷണം ജിതിൻ ലാൽ സംവിധാനം ചെയ്യുന്ന ആദ്യ ചത്രമാണ്. ടൊവിനോ തോമസ് , കൃതി ഷെട്ടി , ഐശ്വര്യ രാജേഷ് , ബേസിൽ ജോസഫ് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.

വ്യത്യസ്ത കാലഘട്ടങ്ങളിൽ വ്യത്യസ്തമായ മൂന്ന് കഥാപാത്രങ്ങളെ അവതരിപ്പിക്കുക എന്ന വെല്ലുവിളി നിറഞ്ഞ ദൗത്യമാണ് ടൊവിനോ തോമസ് ഏറ്റെടുത്തിട്ടുള്ളത്.സുജിത്ത് നമ്പ്യാർ തിരക്കഥയെഴുതിയ ഈ ചിത്രം മലയാള സിനിമയിലെ കൃതി ഷെട്ടിയുടെ അരങ്ങേറ്റം കൂടിയാണ്.

മാജിക് ഫ്രെയിംസിൻ്റെ ബാനറിൽ ലിസ്റ്റിൻ സ്റ്റീഫനും ഡോ. ​​സക്കറിയ തോമസും ചേർന്നാണ് ചിത്രം നിർമ്മിച്ചിട്ടുള്ളത്.

കോതമംഗലം; ഇന്ന് അത്തം.അത്തം പത്ത് ഓണം.ഓണം എന്നും മലയാളിക്ക് ഗ്രഹാതുരത്വം ഉണർത്തുന്ന ഓർമ്മയാണ്.പൂക്കളവും കളികളും സദ്യയുമെല്ലാമാണ് ഓണത്തെക്കുറിച്ച് ചിന്തിയ്ക്കുമ്പോൾ ആദ്യം ഓർമ്മയിൽ എത്തുക.

നാടെങ്ങും ഇനിയുള്ള ദിവസങ്ങൾ ഓണ ആഘോഷ തിമിർപ്പിലാവും.ഓണക്കാലം വ്യാപാര മേഖലയ്ക്കും ഉണർവ്വ് പകരും.വീടുകളിൽ തിരുവോണ സദ്യ വിഭവങ്ങളെക്കുറിച്ചുള്ള ചർച്ചകളും സജിവമായിക്കഴിഞ്ഞു.

ഓൺലൈൻ വ്യാപാരം പൊടിപൊടിക്കുന്ന കാലമാണിത്.ഉപ്പുതൊട്ട് കർപ്പൂരം വരെ ഓൺലൈൻ സൈറ്റുകളിൽ നിന്നും വാങ്ങാൻ കഴിയുന്ന സാഹചര്യമാണ് നിലവിലുള്ളത്.

ഇപ്പോൾ കോതമംഗലം മേഖലയിൽ ഓൺലൈൻ ബുക്കിംഗിലൂടെ ഓണസദ്യയും ലഭിയ്ക്കും.’ ഈറ്റിലി ‘ എന്ന പേരിൽ പ്രവർത്തനം ആരംഭിച്ചിട്ടുള്ള ഫുഡ് ഡെലിവറി ഏജൻസിയാണ് ആവശ്യക്കാർക്ക് സദ്യ എത്തിച്ച് നൽകുന്നത്.

ഒരു ദിവസം മുമ്പുള്ള ബുക്കിംഗ് പ്രകാരണമാണ് വീട്ടിൽ തയ്യാറാക്കുന്ന അതെ രുചിയിലും ഗുണത്തിലും സദ്യ എത്തിച്ച് നൽകുന്നതെന്ന് സ്ഥാപനത്തിന്റെ നടത്തിപ്പുകാർ അറിയിച്ചു.

4 പേർക്കുള്ള സദ്യാപായ്ക്കറ്റിന് 800 രൂപയും ഡെലിവറി ചാർജ്ജുമാണ് സ്ഥാപനം നിശ്ചയിച്ചിട്ടുള്ളത്.ആവശ്യക്കാരുടെ എണ്ണം 50 -ന് മുകളിലാണെങ്കിൽ ഒരാൾക്ക് 170 രൂപയും ഡെലിവറി ചാർജ്ജുമാണ് സ്ഥാപനം ഈടാക്കുക.ബുക്കിംഗിന് 7403870277.

കോതമംഗലം : പ്രശസ്ത ചലച്ചിത്ര താരം നിവിൻ പോളിക്കെതിരെ ലൈംഗിക പീഡനക്കേസ്.

അഭിനയിക്കാൻ അവസരം വാഗ്ദാനം ചെയ്ത് പീഡിപ്പിച്ചുവെന്നാണ് യുവതിയുടെ പരാതി. കോതമംഗലം ഊന്നുകൽ പൊലീസ് ജാമ്യമില്ലാ വകുപ്പുകൾ പ്രകാരമാണ് കേസെടുത്തത്.

നേര്യമംഗലം സ്വദേശിനിയാണ് പരാതി നൽകിയത്.കഴിഞ്ഞ നവംബറിൽ ദുബായിലെ ഹോട്ടലിൽ വച്ചാണ് പീഡനം നടന്നതെന്നാണ് ആരോപണം.

നിവിൻ പോളിയടക്കം ആറുപേരാണ് പ്രതികൾ. ആറാം പ്രതിയാണ് നിവിൻ. ശ്രേയ, സിനിമാ നിർമാതാവ് എകെ സുനിൽ, കുട്ടൻ, ബഷീർ, വിനീത് എന്നിവരാണ് മറ്റുപ്രതികൾ.

ഹേമ കമ്മിറ്റി റിപ്പോർട്ട് പുറത്തുവന്നതിന് പിന്നാലെ രൂപവത്കരിച്ച പ്രത്യേക അന്വേഷണസംഘത്തെ(എസ്‌ഐടി) യുവതി സമീപിക്കുകയും എസ്‌ഐടി ഈ വിവരം ഊന്നുകൽ പൊലീസിനെ അറിയിക്കുകയും ചെയ്തു.

ഇതിന്റെ അടിസ്ഥാനത്തിലാണ് പൊലീസ് കേസ് രജിസ്റ്റർ ചെയ്തത്. ഇതോടെ ഹേമ കമ്മിറ്റി റിപ്പോർട്ട് പുറത്തുവന്ന ശേഷമുള്ള വെളിപ്പെടുത്തലുകളിൽ എറണാകുളത്ത് റജിസ്റ്റർ ചെയ്ത കേസുകളുടെ എണ്ണം 11 ആയി.